Grill Event 2022

Zürich, Biotop Werdhölzli, 26. August 2023

...

Du bruuchsch es Füür, e feini Wurscht,

und chüeli Bier für ganz vill Durscht;

dänn Widder-Zoifter und au Gselle,

wo’d öppis zäme chasch verzelle;

natürli au Familie und Kid’s,

demit’s so richtig Schtimmig gitt!

Dänn häsch en tolle Grill-Evänt,

wo s’zoiftig Härz mit Freude brännt!

Es git Grillade und Salat;

und d’Gselle, die sind voll parat

und schänked Flüssigs freudig uus,

grilliered heftig und mit Pfuus.

Und de Partysound – so groovy –

leit uuf de Widder-DJ Samy!

(Klipstein)

Bim Bier-Pong isch de ZM fit,

wo – well er Durscht hät – alles git!

De Stucki Jürg, de isch en Glatte,

dänn s’git tatsächlich Zuckerwatte!

Stubi, Gselle – die sind toll,

mier alli sind des Dankes voll!

Am Schluss gschpüürt’s jede in de Glider:

«S’isch immer cool bi Eus bim Widder!»

...

Marco Baur, Protokollführer