Jahresschlusshock 2023

Zürich, Widder-Saal, 15. Dezember 2025, 18.30 Uhr

S’isch Tradition, am Schluss vom Jahr,

drum isch es ja so wunderbar,

mer zäme hockt, bi eus bim Widder,

au das Jahr git’s das Fäschtli wieder!

De ZM dä sitzt uf sim Thron,

gschafft vom Martini-Marathon,

isch er jetzt wieder ganz bi eus

und gnüsst’s mit sine Widder-Boys!

Und dänn gaat’s schliessli as verzelle

vo eusne junge GIWA*-Gselle:

De Lucius – es s’isch ganz siis –

de gwünt de GIWA-Fridenspriis!

Dä gilt vill meh als dä vor FIFA

(dä Gwünner, det, dä isch e Pfiffa!):

Salami-Orde um de Hals,

en’Urkund, die git’s ebefalls,

sodass de ZM rundum strahlt,

mer gseht, dass ihm das würkli gfallt!

Jahresschlusshock 2024

Dänn ghöred mer no alli Brichte,

von dene ville Zunftbsuechs-Gschichte;

de Lucius hät’s würklich gschafft –

s’isch fascht es bitzli schelierhaft –

am gliiche Samschtig, lueg emal,

da bsuecht er ZWEI Martinimahl!

De ZM, dä isch gar nöd bieder,

so Öpis, das chasch nur als Widder!

Zum Abschluss chömed dänn no d’Gselle,

wo no es bitzli ‘Cash’ händ welle:

De Gin-Verchauf läuft würkli rund,

und das isch guet, dänn Gin is gsund!

Am Änd sind alli zäme z’fride:

«Schöni Fäschttäg sind Eu bschide»,

so seid de Lucius eus allne ‘Tschau’,

«au liebi Grüess dehei a d’Frau»!

* Gesellen Im Widder Association

Marco Baur, Protokollführer